togtur

før var det rikeleg med plass rundt mange bord med kvite dukar
halvfeite, morosame kelnerar med pondus
som serverte deg det du ba om

no står du sveitt i ein kjip kø og høyrer
mikrobølgevarmeovnen plinga
det stinkar dårleg ikkje mat
du må betala eitthundreogsytten kroner for ei pølse med brød og eit glas raudvin
løken du skal ha på pølsa er ikkje skikkeleg kutta
femten plastplassar er det til å sitta å eta
det endar med at ein står
dama bak disken er sveitt og forkava og har ikkje vekslepengar

rått og rote

toget mot bergen
toget mot oslo
det er ei anna tid

det er ikkje sant at alt var betre før seier dei
det er ikkje til å forstå
forstår det så vel